पणजी:
गोवा विधानसभेच्या निवडणुकीसाठी गोव्यात असलेले महाराष्ट्राचे माजी मुख्यमंत्री तथा विरोधी पक्षनेते आणि भारतीय जनता पक्षाचे गोवा निवडणूक प्रभारी देवेंद्र फडणवीस यांनी आज श्री संस्थान पर्तगाळ मठ काणकोण येथे जाऊन मठाधीश श्रीमत विद्याधिश तीर्थ वडेर स्वामी महाराज यांचे दर्शन घेतले.
फडणवीस यांच्यासोबत महाराष्ट्रातील भाजपाचे नेते व आमदार आशिष शेलार तसेच गोवा भाजपाचे उपाध्यक्ष केशव प्रभू व इतर मान्यवर उपस्थित होते .
गोव्यात भाजपाला बहुमत मिळावे यासाठी देवेंद्र फडणवीस हे निवडणूक प्रभारी म्हणून गेले अनेक दिवस गोव्याच्या कानाकोपऱ्यात फिरत आहेत .भाजपच्या उमेदवारांसाठी प्रचारात भाग घेत आहेत. आज त्यांनी वेळात वेळ काढून पर्तगाळ येथे जाऊन श्रीमद् विद्याधिश तीर्थ वडेर स्वामी यांचे दर्शन घेतले