सांगली: धर्मवीर छत्रपती संभाजी महाराजांच्या बलीदानाच्या दिवशी म्हणजे ११ मार्चला हिंदू एकता आंदोलन सांगली जिल्ह्याच्या वतीने सांगली जिल्हाधिकारी कार्यालयासमोर क्रूरकर्मा औरंगजेबाचे थडगे उखडून अरबी समुद्रात फेकून द्यावे, तसेच त्याच्या थडग्याजवळ चालू असलेले उदात्तीकरण आणि उदो - उदो त्वरित थांबवावा, या मागणीसाठी जोरदार निदर्शने करण्यात आली. हिंदू एकता आंदोलनाचे प्रदेशाध्यक्ष तथा मा. आ. नितीन शिंदे यांच्या नेतृत्वाखाली ही निदर्शने करण्यात आली.
यावेळी बोलतांना नितीन शिंदे म्हणाले, की अमेरिकेने इस्लामी आतंकवादी ओसामा बीन लादेनचे प्रेत समुद्रात फेकून दिले, तसेच इस्लामिक आतंकवादी क्रूरकर्मा औरंगजेबाचे थडगे राज्यातील सरकारने उखडून समुद्रामध्ये फेकून द्यावे. थडग्यावर लावलेला हजरत औरंगजेब नावाचा फलक त्वरित हटवावा आणि त्या जागी क्रूरकर्मा औरंगजेबाचे थडगे नावाचा फलक लावावा. थडग्यावर गलफ आणि चादर चढवायला बंदी घालावी. क्रूरकर्मा औरंगजेबाच्या उदात्तीकरणासाठी ६.३ लाख रुपयांचा जो निधी दिला आहे, तो संबंधित अधिकार्‍यांच्या पगारातून वसूल करावा. टिपू सुलतानच्या समवेत क्रूरकर्मा औरंगजेबाचे भित्तीपत्रक फडकावणार्‍यांचे हात तोडा.