CJI Sanjiv Khanna: જસ્ટિસ સંજીવ ખન્ના ભારતના 51મા મુખ્ય ન્યાયાધીશ બન્યા, રાષ્ટ્રપતિ દ્વારા શપથ લેવડાવ્યા

જસ્ટિસ સંજીવ ખન્ના દેશના નવા ચીફ બન્યા છે. રાષ્ટ્રપતિ બન્યા છે. રાષ્ટ્રપતિ દ્રૌપદી મુર્મુએ રાષ્ટ્રપતિ ભવનમાં એક કાર્યક્રમમાં તેમને પદના શપથ લેવડાવ્યા હતા. જસ્ટિસ ખન્ના દેશના 51માં ચીફ જસ્ટિસ છે. તેમનો કાર્યકાળ 13 મે 2025 સુધી એટલે કે લગભગ 6 મહિનાનો રહેશે. તેઓ ચૂંટણી બોન્ડ યોજનાને સમાપ્ત કરવા અને કલમ 370 નાબૂદ કરવા જેવા ઘણા ઐતિહાસિક ચુકાદાઓનો હિસ્સો રહ્યા છે.

#WATCH | Delhi: President Droupadi Murmu administers the oath of Office of the Chief Justice of India to Sanjiv Khanna at Rashtrapati Bhavan. pic.twitter.com/tJmJ1U3DXv

— ANI (@ANI) November 11, 2024

દિલ્હી યુનિવર્સિટીમાંથી કાયદાની ડિગ્રી લીધી 

 જસ્ટિસ સંજીવ ખન્નાએ દિલ્હીની મોડર્ન સ્કૂલ અને સેન્ટ સ્ટીફન્સ કોલેજમાં અભ્યાસ કર્યો હતો. દિલ્હી યુનિવર્સિટીમાંથી કાયદાની ડિગ્રી મેળવ્યા પછી તેમણે 1983માં દિલ્હીની તીસ હજારી કોર્ટમાં કાયદાની પ્રેક્ટિસ શરૂ કરી. તેઓ 2005માં દિલ્હી હાઈકોર્ટના જજ બન્યા હતા. જાન્યુઆરી 2019માં તેમને સુપ્રીમ કોર્ટના જજ તરીકે નિયુક્ત કરવામાં આવ્યા હતા. તેઓ ફોજદારી, સિવિલ, ટેક્સ અને બંધારણીય કાયદાઓમાં નિષ્ણાત માનવામાં આવે છે.