मुंबई: पहलगाम येथील आतंकवादी आक्रमणाचा निषेध करण्यासाठी सांताक्रूझ येथे काही हिंदू युवकांनी पाकिस्तान, बांगलादेश आणि पॅलेस्टाईन यांच्या झेंड्यांवर मुर्दाबाद लिहून या परिसरात भित्तीपत्रके लावली. यावरून काही स्थानिक जिहाद्यांनी हिंदूंशी वाद घालून दंगल घडवण्याचा प्रयत्न केला. याला हिंदूंनीही प्रत्युत्तर दिल्याने येथे वाद निर्माण झाला. पोलिसांनी वेळीच हस्तक्षेप केल्याने येथील परिस्थिती नियंत्रणात आली; मात्र अद्यापही या भागात तणावपूर्ण शांतता आहे. या प्रकरणी पोलिसांनी ३० पेक्षा अधिक जणांवर गुन्हा दाखल करण्यात आला आहे.
सांताक्रूझ येथील बनारसी हॉटेल जवळील श्री घंटेश्वर मंदिराच्या येथे २६ एप्रिल रोजी रात्री हा प्रकार घडला. वादानंतर हिंदू युवकांनी लावलेली पाकिस्तान, बांगलादेश आणि पॅलेस्टाईन यांच्या निषेधाची भित्तीपत्रके हटवण्यात आली आहेत.